Аңдатпа

Білім беру парадигмасының өзгеруі және оның жаңа векторы – инклюзивті білім берудің пайда болуы, білімге қолжетімділік қағидатына негізделіп «ерекше қажеттіліктері бар» тұлғалар санатын қамтиды. Осы бағыттың өзекті мәселелерінің бірі, динамикалық қазіргі заманғы әлеуметтік ортада ерекше білім алу қажеттілігі бар тұлғаларды табысты әлеуметтендіру, олардың қоғам өміріне толыққанды қатысуын қамтамасыз ету, тиімді өзін-өзі жүзеге асыру болып табылады. Біздің ойымызша, ерекше білім беру қажеттіліктері бар студенттердің психологиялық денсаулығына әсер ететін әлеуметтік орта факторларын белгілеу, тұлғаның өзін-өзі іске асыруының табыстылық дәрежесін күшейте отырып, психоэмоциялық жағдайын реттеуге ықпал ететін болады. Әлеуметтік орта факторлары оқшауланған емес, биологиялық, оның ішінде тұқым қуалайтын факторлармен күрделі өзара іс-қимылда әрекет етеді.