Девианттық мінез-құлық – жас ұрпақ арасында жиі кездесетін психологиялық құбылыс, ол белгілі бір деңгейде олардың құқықтық санасына әсер етеді. Девианттық мінез-құлыққа ие жасөспірімдердің құқықтық санасын қалыптастыру – кешенді тәсілді қажет ететін маңызды міндет. 

Мақалада девианттық жасөспірімдердің психологиялық ерекшеліктері және олардың құқықтық санасының қалыптасуына әсер ететін факторлар қарастырылады. Сондай-ақ, зерттеудің теориялық бөлімінде құқықтық сана, құқықтық нигилизм және девианттық мінез-құлық сияқты негізгі ұғымдар талданады. Бұдан бөлек, құқықтық сана мен құқықтық нигилизмнің құрылымдық компоненттері зерттелген. 

Эмпирикалық зерттеу шеңберінде деструктивті мінез-құлыққа ие 20 жасөспірім қатысқан авторлық сауалнама жүргізілді, оның мақсаты – олардың құқықтық санасының қалыптасу деңгейін анықтау. Талдау нәтижелері девианттық жасөспірімдер арасында құқықтық хабардарлық пен құқықтық әлеуметтенудің орташа және төмен деңгейі басым екенін көрсетеді. 

Бұл ғылыми зерттеу девианттық мінез-құлыққа ие жасөспірімдермен жұмыс істейтін психологтар мен педагогтар үшін пайдалы болады.