Қазіргі әлемде әлеуметтік желілер ақпарат көзі, қарым-қатынас құралы және күнделікті өміріміздің ажырамас бөлігі ретінде маңызды рөл атқарады. Жеке тұлғалық идентификациямыздың негізгі элементтерінің бірі – сыртқы әлемге өзімізді қалай таныстырып, өз болмысымызды қалай бағалайтынымызбен байланысты. Әлеуметтік желілердегі ақпараттардың үздіксіз ағыны психикалық жағдайымызға айтарлықтай әсер етеді, әсіресе жеке тұлға қалыптасу кезеңінде. Бұл зерттеуде әлеуметтік желілердегі фотосуреттердің өзгеруі қыздардың өзін-өзі тануына қалай әсер ететіні зерттелді. Алынған деректер фотосуреттерді өңдеуге бейім адамдардың өзін-өзі түсінуін зерттеу саласындағы болашақ зерттеулерге негіз бола алады және психологиялық түзету жұмыстарымен айналысатын, фотосүзгілерді және сырт келбетті өзгертуді пайдалану тәуелділігі бар оқушылармен терапиялық жұмыстар жүргізетін психологтар үшін пайдалы болуы мүмкін.