Бұл мақалада білім алушылардың білім беру бағдарламасын игерудегі қиыншылықтарын жеңу бойынша психологиялық-педагогикалық әдебиеттерді зерттеу және жоғары мектептің білім беру тәжірибесіне талдау жасау барысындағы өзектілігі анықталды. Оқытудың техникалық бағыттары үшін оқу іс-әрекетінің табыстылығын арттыру мәселесі қарастырылды. Білім алушылардың оқу іс-әрекетінің табыстылығын арттыруда педагогикалық жәрдемдесу шараларын әзірлеу үшін білім алушылардағы бар қиындықтарды диагностикалау жүргізілді. Магистранттармен әңгімелесуді нақтылау әдісімен толықтырылған сауалнама әдісі қолданылды. Зерттеуге Алматы Техникалық Университетінің күндізгі бөлімінде 1-курс магистранттары қатысты. Сауалнама нәтижесінде техни-калық бағыттағы оқитын білім алушылардың мәселелері айқын көрсетілді.