Мақалада қарт адамдардың психикалық жай-күйлері және олардың өзін-өзі реттеу проблемасы қозғалған. Қарт адамдардың негізгі психикалық жай-күйлері және жалпы эмоционалды жағдайларының ерекшеліктері сипатталған. Өзін-өзі реттеудің тиімді нұсқалары ұсынылып, жағымсыз күйлердің себептері және оларды жою жолдары талданған. Зерттеудің мақсаты: алпыс жастан асқан адамдардың эмоционалды жағдайын талдау және өзін-өзі реттеу арқылы ішкі дағдарысты жеңу тәсілі. Мақалада жиырма респондентті зерттеудің алғашқы нәтижелері сипатталған. Жалпы саны 80 адам көлемінде жоспарланған, зерттеуде қолданылған әдістер келтірілген. Мақалада тірек нүктелері анықталып, соның арқасында қарт адам өзінің ішкі қобалжуымен күресіп, эмоционалды еркіндік пен үйлесімділікке жету жолдары қарастырылған.