Аңдатпа

Осы мақалада ойын терапиясы мектеп жасына дейінгі балалардың эмоционалдық қиындықтары үшін психотерапияның бір түрі ретінде қарастырылады. Мектепке дейінгі кезең - тұлғаның қалыптасуының қысқа, бірақ маңызды кезеңі. Бұл жылдарда балаларда қоршаған өмір туралы алдын ала түсінік қалыптасады, балаларда адамдармен белгілі бір қарым-қатынас қалыптаса бастайды, дұрыс мінез-құлық дағдылары мен әдеттері қалыптаса бастайды. Бұл мақалада мектеп жасына дейінгі балаларға ойынның эмоционалдық әсері және олардың сезімдері зерттеледі. Зерттеу мақсаты: мектеп жасына дейінгі балалардың ойын барысында эмоционалды әсерін мөлшерлеп, өзін қалай сезінетінін бақылау. Зерттеу жұмысының міндеттері: эмоциялық жаттығуларды қамтамасыз ету; жиналып қалған жүйкелік күшті алып балалардың өмірге деген қызығушылықтарын арттыру; күтпеген жерде болатын шабуылдан, жазалаудан, қараңғыдан, жалғыздықтан болатын қорқынышты азайту; тез шешім қабылдай білу қабілетін арттыру; топта өзін-өзі ұстау ережелерін меңгерту, агрессияны азайту; қозғалыстағы бағыттарын және ептілікті дамыту. Зерттеу әдістері – зерттеу жұмысында қойылған міндеттерді шешу үшін мынандай әдістерді қолдануды мақсат етіп отырмыз: бақылау, теориялық талдау, салыстыру, эксперименттік ойын жағдаяттары. Зерттеудің практикалық маңыздылығы: зерттеу нәтижелері және мектеп жасына дейінгі балалардың эмоционалды қиындықтарын ойын терапиясы арқылы психологиялық түзету мен алдын-алудың жаңа тәсілдерін жасауға негіз бола алады.