Мақалада ауызша сөз мәдениетін жаңаша меңгертуде қызығушылықты  оята оқыту психологиялық фактор ретінде қарастырылған, сонымен қатар эксперименттік зерттеу нәтижелері ұсынылған.  Қазіргі таңда тілдік тұлғаның сөйлеу мәдениетін қалыптастыру, дамыту және жетілдіру мәселесі ерекше назар аудартуда. Сондай-ақ, ауызша сөз мәдениетін жаңаша меңгертуде қызығушылықты оята оқыту үдерісінде сөз мәдениетін ауызша және жазбаша етіп бөліп қарастырудың да маңызы дәлелденіп жүр. Ауызша сөз мәдениетінің зерттелуі жайында және оған қазақ ақын жазушыларының үлесі жайында қамтылған. Ауызша сөз мәдениетін дамыту жолында белгілі бір дидактикалық ұстанымдарға, психологиялық факторларға сүйенудің пайдасы зор екені атап өткіміз келеді. Соның ішінде тілдік тұлғаның бойында өз ауызша сөз мәдениетін жетілдіруге деген қызығушылықты ояту – психологиялық фактор ретінде ерекше орында. Оқуға деген қызығушылықты арттыру үшін әр түрлі оқыту әдістері мен әртүрлі оқу материалын пайдалану қажеттілігі баяндалады. Әртүрлілігінің арқасында оқушылар оқу процесінде әртүрлі тапсырмалармен айналысуды қамтамасыз етеді, сонымен қатар бір тапсырманың жаңа жақтарын ашуға мүмкіндік береді. Мақала мазмұны мектеп оқушыларының мысалы негізінде осы мәселені толықтай ашуға тырысады.