Ғылыми мақаланың мазмұны халқымыздың кемеңгер ойшыл ақыны Абай Құнанбаевтың ұлттық рухани мұрамыздың асыл қорына қосқан үлесі зор екені белгілі. Оның қара сөздерінің өскелең ұрпақтың тәрбиесі мен рухани болмысын қалыптастыру үшін маңызды екені баршаға түсінікті. Алайда бұл мақала арқылы Абайдың қара сөздеріне тек философиялық қырынан ғана емес, сонымен қатар оның психология ғылымыменде байланысатын қырлары көп екенін дәлелдегіміз келеді. Абай өзінің қара сөздерінде педагогикалық психология, жас ерекшелік психологиясы, таным психологиясы, этнопсихология  секілді психологияның бірнеше салаларымен байланысты ғылыми-психологиялық болмасада, терең ой толғаулар мен пайдаулар айтып өскелең ұрпаққа мұра қалдырған. Ғылыми мақала қазақ этнопсихологиясы үшін тың  ақпараттарды қамтиды. Бұл мақала арқылы жастар жаһандық өзгерістер заманында, өзінің ұлттық ерекшеліктерін сақтай отырып заман толқынына ілесе алуына бағдар алады.