Мақалада қазіргі кино көрермендерінің кинематографиялық талғамдарының (мейнстрим киносы, тарихи фильмдер, экшн фильмдер, қорқынышты фильмдер, ғылыми-фантастикалық фильмдер, авторлық фильмдер), тұлғалық жеке қасиеттердің (экстраверсия, ізгілік, адалдық, нейротизм, тәжірибеге ашықтық) және фильмдерді таңдау мен көрудің әртүрлі мотивтері (кино тұтыну) арасындағы байланысты зерттеу қорытындылары келтірілген. Зерттеуде эстетикалық талғамдарды бағалау үшін жиі қолданылатын бес факторлық тұлғалық сауалнамасы қолданылды. Бұл зерттеудің мақсаты жеке тұлғаның негізгі қасиеттерінің белгілі бір фильм жанрына деген кинематографиялық талғам байланыстылығын бағалау болып табылады. Зерттеуде медиа таңдауын зерттеу үшін жиі қолданылатын бес факторлық модель сауалнамасы қолданылды. Зерттеу нәтижелері көрермендердің киноны тұтыну мен кинематографиялық талғамдарына психологиялық қажеттіліктерінің әсерін анықтады. Тұлғалық жеке қасиеттер көрермендердің (тұтынушылардың) кинематографиялық талғамдарының болжамы ретінде қарастырылып және кино тұтынудың когнитивті, эмоционалдық немесе әлеуметтік себептерін түсіндіре алады.