Қазіргі таңда білім беру парадигмасы өзгеруі жағдайында әрбір білім беру ұйымының іс-әрекетінің нәтижесі ең алдымен, менеджменттің заманауи тәсілдері мен қағидаларын қолдануға байланысты. Сол себепті де мақала бүгінгі күн сұранысына ие мәселе – болашақ педагог-психологтың менеджерлік құзыреттілігін қалыптастыруға арналған. Авторлар ғылыми-зерттеу тақырыбына қатысты теориялық материалдарды жан-жақты талдау жасап, ой тұжырымдарын ұсынуға тырысқан. Бұл орайда, «менеджерлік құзыреттілік», «болашақ педагог-психологтың менеджерлік құзыреттілігін қалыптастыру» ұғымдарын нақтылап, педагог-психологтың кәсіби маңызды сапаларын, болашақ педагогтардың менеджерлік құзыреттілігін қалыптастырудың компоненттері мен көрсеткіштерін айқындау сияқты өзекті мәселелерді ашқан.