Қазақстанда жоғары білім беру жүйесінде инклюзивтік үдерістер айтарлықтай жандануда. Инклюзивті білім беру ортасын құрмай, психологиялық және педагогикалық қолдау шараларын іске асырмай ЖОО-да ерекше білім беру қажеттілігі бар студенттерді оқытуды қарастыру мүмкін емес. Осыған байланысты мүгедек адамдарды психологиялық-педагогикалық қолдау негіздерін зерттеу қажеттілігі туындайды. Инклюзивті білім беру, ерекше қажеттіліктері бар студенттер мен олардың группаластарының өзара әрекеттесу процесінде қиындық туындамайтындай интегративті психологиялық-педагогикалық кеңістікті қалыптастыруды және қолдауды қамтиды. Мақаланың зерттеу мақсаты университеттегі ерекше қажеттіліктері бар білім алушыларды қолдау кезіндегі педагог-психолог пен тьютордың қызметін талдау болып табылады. Алынған мәліметтер негізінде жоғары оқу орындарында ерекше білім беру қажеттіліктері бар студенттерді психологиялық-педагогикалық сүйемелдеу моделі жасалды. Жоғары оқу орындарында мүгедектігі бар студенттерді сүйемелдеудің тиімді моделін іске асыру, инклюзивті жоғары білім беруді дамытудағы қолайлы психологиялық-педагогикалық алғышарттады айқындайды. Мүгедектігі бар адамдарды университеттің әлеуметтік кеңістігіне сәтті интеграциялау, олардың оқу ортасын оң қабылдауын қалыптастыруға үлкен әсер етеді және олардың оқу бағдарламасын жақсы меңгеруіне ықпал етеді. Осы мақала аясында ҚР инклюзивті білім берудің нормативтік-құқықтық базасы, жоғары оқу орындарында ерекше қажеттіліктері бар студенттерді психологиялық-педагогикалық сүйемелдеуді жүзеге асырудың тәсілдері, принциптері мен әдістері қарастырылады.