Әлемнің әртүрлі елдерінде жас кезеңдері бойынша балалардың әлеуметтенуі, қалыптасуы сияқты мәселелер психологтардың, философтардың, әлеуметтанушылардың зерттеулерінің өзектілігі болып табылады. Соңғы жылдардағы маңыздысы – баланың әлеуметтік интеллектісінің дамуы. Мақалада «әлеуметтік интеллект» ұғымына ғалымдардың анықтамалары, айтқан пікірлері келтірілген. Сонымен, әлеуметтік интеллект – басқа адамдарды түсіну және әрекет ету немесе басқаларға қатысты әрекет ету қабілеті. «Әлеуметтік интеллект» ұғымын алғаш рет Э.Торндайк психологияда қолданған. Кейіннен көптеген ғалымдар бұл ұғымды анықтауға және түсіндіруге өз үлестерін қосты. Г.Оллпорт әлеуметтік интеллектті басқа адамдар туралы тез, дерлік автоматты пікірлер айту, адамның реакциясын ең жоғары дәлдікпен болжау қабілетімен байланыстырды. Сонымен бірге, ол әлеуметтік интеллектті адамдармен қарым-қатынасқа ықпал ететін ерекше «әлеуметтік сыйлық» ретінде сипаттаған.