Бұл мақалада жеткіншек шақтың маңызды ерекше белгісі жеткіншектің жеке тұлға ретніде әрі қарай дамуына түпкілікті маңызы бар, оның өзіндік санасындағы фундаменталды өзгерістер қарастырылады. Нақ осы кезеңде Б.Г.Ананьев пікірінше, қатынастардың көптеген объектілерінен өтіп, сана өзіндік сананың объектісіне айналады, мінез-құлық құрылымын аяқтай отырып, оның тұтастылығын қамтамасыз етіп, жеке тұлғаның дамуына және тұрақталуына ықпалын тигізеді. Жеткіншек шақта жас балалар бойында белсенді түрде өзіндік сана қалыптасады, өзін-өзі бағалаудың және өз-өзіне қатынастың үлгі-лерінің тәуелсіз жүйесі қалыптасады, өзінің өзіндік әлеміне ене білу қабілеттері дами бастайды. Бұл шақта жеткіншек өзінің ерекшелігін, қайталанбастығын сезіне бастайды, оның санасында біртіндеп сыртқы бағалаудан ішкі бағалауға ауысу басталады. Осылайша, жеткіншек бойында біртіндеп, жас баланың мінез-құлқының саналы немесе санасыз құрылуына ықпалын тигізетін «Мен-тұжырымы» дами бастайды.