Бұл мақалада ойлауға, соның ішінде креативті ойлауға психологиялық сипаттама беріліп, креативті ойлаудың адам өміріндегі, қоғамдағы маңызына баса назар аударылған. Зерттеуші ғалымдар мен танымал адамдардың, философтардың ой-пікірлеріне сүйене отырып, креативті ойлаудың артықшылықтары мен мүмкіндіктері қарастырылған. Креативке, шығармашылық ойлауға алып келетін продуктивті ойлауға түсініктеме беріп, талдау жасалған. Шығармашылық ойлауға әсер ететін факторлар, шешім қабылдаудағы ұтымды әдіс-тәсілдер көрсетілген. Теориялық тұрғыдан берілген мәліметтерге негіздей отырып, орта мектептің жоғары сынып оқушыларына эксперименттік жұмыстар жүргізілген және оның нәтижесі кесте мен диаграмма түрінде мақалада көрсетілген. Сонымен қатар, креативті ойлауды дамытудың жолдары мен әдістері қарастырылып, Ф. Кунценің морфологиялық талдау әдістемесі мен Фрирайтинг немесе еркін хат әдістемелері туралы баяндалған.