Бұл мақалада мотивациялық және психоэмоционалды тепе-теңдікті дамытудың психокоррекциялық тренинг бағдарламасының тиімділігі мен нәтижелігі туралы дәлелдемелер келтірілген. Негізгі көрсеткіштер әлеуметтік-психологиялық бейімделуді күшейту параметрлері және жетістікке деген ынтаны арттыру көрсеткіштері бойынша алынды. Тренингтік бағдарлама жұмысына ЖОО студенттері қатысты. Пайдаланылған тренинг бағдарламасын тексеру мынадай психодиагностикалық зерттеу әдістерінің көмегімен жүргізілді: "Big Five" тесті, А. Мехрабиан жетістіктерді ынталандыру сауалнамасы, Р. Даймондтың әлеуметтік-психологиялық бейімделуді диагностикалау әдісі, А. Лазуркиннің тұлғаның өзiн-өзi жетілдіру диагностикалық сауалнамасы. Біз ұсынған университеттің студенттеріндегі мотивациялық және психоэмоционалды тепе-теңдікті дамытудың психокоррекциялық тренинг бағдарламасын іске асыру – әлеуметтік-психологиялық бейімділікті дамытуға, өзiн-өзi жетілдірудің жеке ресурстарын кеңейтуге және жетістікке ынталандыру деңгейін арттыруға ықпал етті.