Мақалада психология мамандығы бойынша білім алатын студенттердің зерттеушілік дағдыларын қалыптастыру мәселесі жан-жақты қарастырылады. Зерттеу тақырыбының өзектілігі қазіргі жоғары білім беру жүйесінде болашақ мамандардың ғылыми-зерттеу әрекетіне ерте араласуы мен зерттеушілік құзыреттілікті дамытуға қойылатын талаптардың артуымен түсіндіріледі. Отандық және шетелдік еңбектерге жасалған теориялық талдау зерттеушілік дағдыларды қалыптастырудың негізгі тәсілдерін айқындауға мүмкіндік берді. Авторлар зерттеушілік әрекетті оқу процесіне кіріктірудің және инновациялық білім беру технологияларын қолданудың тиімділігін атап өтеді. Эксперименттік зерттеу авторлық білім беру бағдарламасының тиімділігін тексеруге бағытталды, бағдарлама жобалық тапсырмалар, проблемалық оқыту элементтері және цифрлық ресурстарды қамтыды. Нәтижелер студенттердің зерттеушілік дағдыларының дамуында оң өзгерістерді көрсетті: мәселені тұжырымдау, әдісті таңдау, нәтижелерді талдау және ғылыми қорытынды жасау қабілеттері артты. Ғылыми жаңалығы – зерттеушілік дағдыларды қалыптастырудың теориялық негіздерін нақтылау және оларды дамытуға ықпал ететін педагогикалық шарттарды айқындау. Практикалық маңыздылығы – бағдарламаны болашақ педагог-психологтарды даярлауға бағытталған оқу процесіне енгізу мүмкіндігімен байланысты