Бұл мақалада жастар арасындағы аддиктивті мінез-құлыққа бейімділік пен олардың қолданатын копинг-стратегияларының психологиялық ерекшеліктері қарастырылды. Зерттеудің мақсаты – аддикцияға бейім жастардың тұлғалық сипаттамаларын, стресс жағдайында қолданылатын бейімделу тәсілдерін және олардың өзара байланысын анықтау. Теориялық талдау аддиктивті мінез-құлықты тудыратын психологиялық факторларды, тәуекел топтарының ерекшеліктерін және конструктивті, деструктивті копинг стратегияларының айырмашылықтарын сипаттайды. Эмпирикалық зерттеу нәтижелері жастарда кездесетін аддикцияның негізгі түрлерін (интернетке тәуелділік, гаджетке тәуелділік, психобелсенді заттар және мінез-құлықтық тәуелділіктер) және олардың копинг-стильдерінің деңгейлерін айқындауға мүмкіндік берді. Сонымен қатар аддиктивті мінез-құлық көрсеткіштері мен деструктивті копинг арасында оң корреляциялық байланыстар анықталды. Мақала соңында білім беру мекемелеріндегі психологиялық қызметке арналған алдын алу, диагностика, психокоррекция және тұлғалық ресурстарды дамыту бағыттарындағы практикалық ұсыныстар берілді.