Білім берудің цифрлық трансформациясы және интерактивті оқыту формаларының кеңеюі жағдайында бастауыш сынып оқушыларының когнитивтік функцияларын дамыту ерекше маңызға ие болуда. Мақалада когнитивтік динамика түсінігі интерактивті кейстер мен когнитивтік белсенділік карталарын біріктіруге негізделген, ойлауды дамытуға бағытталған педагогикалық үдеріс ретінде ашып көрсетіледі. Мұндай карталарды құрастыру әдістемесі ұсынылып, онда назар, жады, сөйлеу, логикалық ойлау, қиял және метатаным секілді негізгі когнитивтік функциялардың өзгерістері тіркеледі. Карталардың мысалдары мен сызбалары келтіріліп, олардың түрлері мен талдау тәсілдері жіктеледі. Kundelik, BilimLand және AR-технологиялары сияқты қазақстандық білім беру платформаларының мүмкіндіктеріне ерекше назар аударылады. Когнитивтік белсенділік картасы оқу үдерісі мен ойлаудың байланысын қамтамасыз ететін, мұғалімге оқушылардың жеке когнитивтік даму динамикасын бақылауға және бағыттауға мүмкіндік беретін тиімді құрал ретінде сипатталады.