Мақала Қазақстанда инклюзивті білім беру жағдайында ерекше білім беру қажеттіліктері (ЕББҚ) бар балалардың ата-аналарын психологиялық қолдау мәселесін қарастырады. Мемлекеттік деңгейде инклюзивті білім беру принциптерінің нормативтік-құқықтық бекітілуіне қарамастан, отбасылар үшін жүйелік және қолжетімді психологиялық көмек нысандарының тапшылығы байқалады. Тиісті психологиялық-педагогикалық қолдаудың болмауы ата-аналарда эмоционалды түгесілу синдромының пайда болуына, отбасылық өзара іс-қимыл тұрақтылығының бұзылысына және бала – ата-ана қарым-қатынасы сапасының төмендеуіне әкеп соқтыра отырып, инклюзивті білім беру ортасы тиімділігін тежейді. Зерттеу әдіснамасы сауалнама негізінде аралас сапалық-сандық дизайнға негізделген. 37 ата-ана жиынына жүргізілген сауалнама нәтижесінде, мектепке дейінгі ЕББҚ балалардың әртүрлі категорияларының аса маңызды психологиялық қиындықтары анықталды: бала дамуының ерекшелігін қабылдау қиындығы (51,6%), эмоционалды түгесілу және созылмалы шаршағыштық (43,5%), білім беру мекемелері және медициналық ұйымдармен өзара іс-қимыл қақтығыстары (30,6%), отбасылардың келеңсіз қатынасы және әлеуметтік оқшаулануы (29%). Нәтижелер психологиялық қолдаудың кешенді жүйесін құрастыруды, оның ішінде дағдарыс интервенцияларын, жеке консультацияларды және қашықтан әрекеттесудің интерактивті технологияларын жасау қажеттігін көрсетеді.