Мақалада посттравматикалық стресс бұзылысының (ПТСБ) психикалық және мінез-құлық денсаулығына әсеріне клиникалық-психологиялық талдау ұсынылған. ПТСБ және күрделі ПТСБ феномендеріне теориялық шолу мен олардың депрессия, үрей және аддиктивті бұзылыстармен жоғары коморбидтілігін, сондай-ақ эмоциялық реттелудің бұзылуы мен агрессивті мінез-құлықпен байланысын көрсетеді. Эмпирикалық бөлім 398 ата-ананы құрайтын таңдамаға негізделіп, балалық шақтағы зорлық-зомбылық тәжірибесі, ересек жастағы ПТСБ симптомдары және зорлық-зомбылыққа негізделген тәрбиелік тәжірибелердің арасындағы байланысын анықтады. Мақалада психикалық травманың ұрпақаралық трансляциясының клиникалық-психологиялық моделі ұсынылған. Зерттеудің жаңалығы – теориялық және эмпирикалық деректерді Қазақстанның әлеуметтік-мәдени контекстінде біріктіру және ПТСБ-ды ерте диагностикалау мен психопрофилактика бағдарламаларын енгізу қажеттілігін негіздеу.