Білім беру мен күнделікті коммуникацияның цифрлану жағдайында цифрлық эмпатияны дамыту мәселесі ерекше өзектілікке ие болуда, әсіресе студенттік жастар арасында, өйткені олар онлайн кеңістікте ең белсенді топ және цифрлық қоғамның тұрақты жасушасы болып табылады. Зерттеудің мақсаты – студенттердің цифрлық эмпатия деңгейін диагностикалау және онлайн ортадағы техникалық факторлардың оның көріністері мен көрсеткіштеріне әсерін анықтау. Әдіснамалық негіз аралас дизайнға құрылған: сандық әдістерге В.В. Бойконың бейімделген әдістемесі мен BSNAS шкаласы енгізілді, ал сапалық әдістер контент-талдау, фокус-топтар мен кейс-талдауды қамтыды. Зерттеуге Қазақстанның жоғары оқу орындарының 178 студенті қатысты. Нәтижелер студенттер арасында орташа деңгейдегі цифрлық эмпатияның басым екенін және оның когнитивтік, эмоционалдық және мінез-құлықтық үш компоненттен тұратын құрылымын растады. Цифрлық эмпатия деңгейі мен цифрлық белсенділік дәрежесі арасында статистикалық тұрғыдан маңызды байланыстар, сондай-ақ анонимдік пен алгоритмдік сүзгінің әсері анықталды. Саналы және эмпатиялық онлайн өзара әрекеттесуді дамытуға бағытталған білім беру бағдарламаларын әзірлеу бойынша ұсыныстар берілді. Алынған деректер психологиялық-педагогикалық практикада, цифрлық араласу модульдерін әзірлеуде, сондай-ақ цифрлық этикет пен стандарттарды қалыптастыруда пайдаланылуы мүмкін.