Мақалада психология мен экспрессивтік стилистиканың парадигмалық  синергетикалық концалидациялануы туралы қарастырылған. Синергетикалық консолидациялану  дегеніміз тіл мен психология арасындағы өзара байланысты зерттейтін маңызды сала болып табылады. Зерттеу тілдің эмоциялық және психологиялық құрамын терең түсінуге бағытталған, себебі тілдің экспрессивтік  құралдары адамның ішкі әлемі, сезімдері мен эмоцияларын білдіруге арналған негізгі механизм болып табылады. Эмоциялардың тілде бейнелеу және оларды психологиялық тұрғыдан түсіну тілдік бірліктердің психикалық процестермен қалай байланысатынын анықтауға мүмкіндік береді. Тақырыпта қазақ тілінің экспрессивтік стилистикалық құралдары, метафоралар, гиперболалар, эпитеттер мен басқа да бейнелі тілдік құралдар арқылы психологияда  эмоциялар мен сезімдердің қалай көрініс табатыны қарастырылады. Сонымен қатар, бұл құралдардың психологиялық механизмдері мен адам психикасына әсері зерттеледі, сондай-ақ сезімдерді реттеуде тілдің қандай рөл атқаратыны айқындалады. Зерттеу нәтижелері психология мен лингвистиканың түйісу аймақтарындағы жаңа білімдерді  тануға мүмкіндік береді, тіл мен психологияның үйлесімді жұмысын терең түсінуге жол ашты.