Педагогикалық мамандық белгілі бір жеке қасиеттер мен құзыреттерге ие болуды талап ететін еңбек қызметінің ең стрессті және энергияны сарқылатын түрлерінің бірі болып саналады. Сол қасиеттерге мұғалімдердің психологиялық дайындығының маңызды аспектілері болып табылатын әрі кәсіби қызметтегі қиындықтар мен стресстік жағдайларды жеңуге көмектесетін резиленттілік пен стресске төзімділік жатады. Бұл мақала педагогикалық қызметкерлерде резиленттілік пен стресске төзімділікті қалыптастырудың психологиялық ерекшеліктерін зерттеуге арналған.

Сонымен қатар, мақалада "резиленттілік" және "стресске төзімділік" ұғымдарының түсіндірмелері ұсынылған. Резиленттілік пен стресске төзімділікті дамытудың негізгі факторлары мен артықшылықтары, сондай-ақ мұғалімдерге өміршең болуға көмектесетін әдістер мен стратегиялар қарастырылады. Жалпы білім беретін мектептердің педагог қызметкерлеріндегі стресске төзімділік деңгейін талдау алғаш рет Ю. В. Шербатых ұсынған стресске сезімталдықтың онлайн-тестінің көмегімен жүргізілді.

Мұғалімдерге стресске төзімділік пен резиленттілікті дамыту үшін сындарлы және бейімделгіш күрес стратегияларын қолдану ұсынылады. Осы саладағы қосымша зерттеулер педагогикалық қызметкерлерді қолдау және олардың психологиялық және кәсіби әл-ауқатын арттыру үшін тиімді бағдарламалар мен құралдарды жасауға көмектеседі.