Мақалада қазақ мектептеріндегі ағылшын тілін оқытудың психолингвистикалық сипаты
қарастырылды. Психолингвистикалық бағыттың көмегімен адамның белгілі бір ұғымды қалай
қабылдайтынын, сол ұғымды танытуда санадағы ақпараттарын қалай қолданатынын анықтауға
болатыны туралы айтылады. Сондай-ақ ағылшын тілін оқытуда оқушының психолингвистикалық
ерекшеліктері де өте маңызды және сөйлеу мәдениеті, жалпы қарым-қатынас, оның ақыл-ой
қабілеттері, өзін-өзі ұстауы кезінде баланың ақыл-ой деңгейін ескеру қажет. Оқушылардың тілін
дамытуда сөздік ойындарын қолдану өте тиімді екендігі туралы айтатын болсақ, бүгінгі өмірдің өзі
кәсіби шеберліктің, білімнің, зеректік пен танымның жоғары талаптарын қойып отырғаны анық.
Оқушылардың қызығушылығын арттыру үшін мұғалім қатысушының сөйлеу әрекеті мен
ырғағын нақты көрсетіп, тапсырманы дұрыс құрастыра білуі тиіс.