Мақала теориялық зерттеу болып табылады. Мақалада психологиялық ғылыми әдебиеттердегі мотивация ұғымы мен жетістікке жету мотивациясы феномендері теориялық тұрғыда талданады. Мотив, мотивация және жетістікке жету мотивациясы түсініктерінің сипаттамасы әр түрлі ғалымдар тұжырымдары бойынша дәйектеледі. Мотивация теориясы және жетістікке жету мотивациясының танымалы теорияларына қоса, соңғы ғылыми эксперименттік зерттеулердегі негізгі идеялардың теориялық аспектілері жан-жақты тұжырымдалады. Мақаланың маңыздылығы ғылыми дереккөздердің негізінде теориялық талдау, жалпылау, нақтылау және жүйелеу тәсілдері арқылы – тұлғаның жетістікке жету мотивациясы оның ішкі (жекелік, даралық) позициясы мен мақсатқа бағыттылығының айқын болуына байланыстылығы айқындалады. Мотивацияның жоғарылығы мен жетістікке жету нәтижелігінің өзара байланысы, студенттердің оқу белсенділік мотивациясы мен оқу үлгерімінің өзара байланыстылығы айқындалады. Оған қоса жетістікке жету мотивациясын дамытудың жас ерекшеліктік және іс-әрекеттік тұжырымдары пайымдалады.