Аңдатпа

Мақалада аймақтық педагогикалық университеттің «Ағылшын тілі мен әдебиеті, медиа дидактика» инновациялық білім беру бағдарламасын әзірлеуде психологиялық модульді қосу тәжірибесі қарастырылған. Авторлар «Педагогика ғылымдары» және «Психология ғылымдары»  бағыты бойынша қазақстандық білім беру бағдарламаларын және оларды әзірлеу бойынша зерттеулердің шетелдік тәжірибесін сараптады. Зерттеуде инновациялық оқыту бағдарламасын құрудың мақсаты, әдістері, принциптері және кезеңдері берілген. Мақалада жұмыс берушілердің, оқытушылар құрамының, түлектер мен студенттердің функциялары сипатталған. Авторлар білім беру бағдарламасының он модулін, он инновациялық пәнді құрып, қолданыстағы пәндерге өзгерістер енгізіп, әдістемелік ұсыныстар дайындады. Қолданыстағы және жаңа пәндердің арақатынасы ғалым Р.С. Наговицын әдісі бойынша есептелді. Мақалада авторлар білім беру бағдарламасы мен инновациялық білім беру бағдарламасының айырмашылығын қарастырған.