Мақала мектепке жаңа енген бастауыш сынып оқушылары арасында жиі кездесетін гиперактивтілік мәселесіне арналған.  Гиперактивтілік тек қозғалыс белсенділігімен ғана емес, сонымен қатар жаңа ортаға толық еніп, кірігуіне кедергі келтіретін  мінез-құлық өзгерістерімен ерекшелетіндігі мәлім. Сол себепті де бұл оқушылармен қазіргі таңда бастауыш сынып оқушыларына  денелік-бағдарлы психотерапия негізінде түзету жұмысын ұйымдастыру - тиімді  де нәтижелі жұмыстардың бірі болуда. Авторлар түзету жұмысының теориялық негізін аша отырып, оны ұйымдастыру ерекшелігін жете ашып, тиімділігін тұжырымдаған.  Мақалада түзету жұмысы барысында диагностикалық  әдістемелерге сүйене отырып,  алынған нәтижелер баяндалған. Сонымен қатар  осы жұмыс шеңберінде жүргізілген тәжірибелік-эксперимент жұмысы нәтижесінде алынған нәтижелер қорытындысында әдістемелік бағытта тұжырым жасалған.