Мақалада суициалды мінез-құлықты жеткіншектер мәселесін теориялық тұрғыдан зерттеу мәселесі қарастырылады. Суицидалды мінез-құлықтың құрамдас бөліктері: суицидалды көріністер (ойлар, тұспалдар, пікірлер, ниеттер, сезімдер) және суицидалды әрекеттерге мән беріледі. Ғалымдар еңбектеріндегі өзіне-өзі қол жұмсау, суицидалды мінез-құлық мәселесіне қатысты ой-пікірлер талданады. Девиацияның пайда болуын түсіндіретін психопатологиялық, социологиялық және әлеуметтік-психологиялық тәсілдер қарастырылады. Қазіргі заманғы суицидологиядағы жіктемеге сәйкес суицидалды тәуекелдің келесі факторлары: биологиялық, әлеуметтік-орталықтық және психологиялық-психиатриялық ажыратылады. Жеткіншектің психикасында өзіне-өзі қол жұмсауға бейімдейтін қасиеттер көрсетіледі. Жеткіншектердің өзіне-өзі қол жұмсауының маңызды себептері айтылады. Суицидалды мінез-құлыққа бейім балалардың «тәуекел тобы»көрсетіледі.