Бұл ғылыми мақалада психикалық даму мен таным процесі бұзылған ерте жастағы
анамальды балалардың психологиялық – педагогикалық ерекшеліктері туралы жан-жақты
зерттеліп алынған мәліметтер ұсынылды. Бала дамуына әсер ететін бұзылыстардың бірі сыртқы
немесе ішкі жағымсыз фактордың салдарынан болатындығы жан-жақты зерттеліп, әсіресе
хромосомалық бұзылыстар және оларға тән симптомдары қарастырылды. Сондай-ақ олигофрения кезінде ақыл-ойдың дамымауының үш дәрежесі дебильдік, имбецильдік және идиотияның
өзіндік ерекшеліктері, таным процесінің дамуына әсері туралы айтылды. Олигофрения мен
деменцияның ерекшеліктерін қамтитын аурудың түрі Ретта синдромының зерттелу тарихы,
ерекшеліктері мен симптоматикасы, зерттелу барысындағы нақты мысалдары мен сандық
көрсеткіштері берілді.
Тұқым қуалайтын патология механизмін жан-жақты анықтауға зор мүмкіндік беретін
клиникалық, молекулалық, биохимиялық генетика мен цитогенетиканың заманауи жетістіктерінің нәтижесі бойынша алынған мәліметтер талданды.