Мақалада есту мүмкіндігі шектеулі ата-аналар мен олардың еститін балалары арасындағы қарым-қатынас құралдарының психологиялық ерекшеліктері қарастырылған.

Есту қабілеті шектеулі отбасыларда еститін балаларды тәрбиелеу мен әлеуметтендірудің өзіндік концепциялары бар. Тіл мен қарым-қатынас әлеуметтенудің, оқыту мен тәрбиелеудің негізгі құралы болып табылады. Ата-ана мен бала арасындағы байланыс үзілгенде, олардың арасындағы қарым-қатынасқа әсер етіп, отбасындағы тәрбие үрдісіне нұқсан келеді.

Зерттеудің негізгі мақсаты екіншілік зерттеу әдістері арқылы есту қабілеті шектеулі ата-аналар мен олардың еститін балалары арасындағы қарым-қатынас құралдарының  психологиялық ерекшеліктері анықтау.

Анықталған екіншілік зерттеу нәтижелері бойынша есту қабілеті нашар ата-аналардың кез келген еститін баласының ата-анасымен қарым-қатынасының бұзылуы бар екенін көрсетеді. Олар есту қабілеті шектеулі ата-аналарымен эмоционалды оң қарым-қатынасқа деген жоғары қажеттілікті көрсетеді.