Мақалада студенттердің шығармашылық ойлауын дамытудың шарты ретінде проблемалық-іс-
әрекеттік оқытудың өзекті мәселелері қарастырылады. Аталған оқыту түрінің сәтті жүзеге асырудың
қажетті шарттары көрсетіледі. Бұл студенттерге проблемалық мәселелерді шешу кезінде білімді
саналы меңгеруді қамтамасыз ететін және таным процесінде тұрақты қызығушылықты дамытатын
қанағаттану, эмоционалдық нығайту сезімі пайда болады. Сонымен қатар, проблемалық оқыту
психиканың интеллектуалды, эмоционалдық және ерік саласындағы жаттығудың әсерін арттырады.
Демек, проблемалық мәселелер мен жағдайларды қою және шешу арқылы проблемалық оқыту
шығармашылық сипаттағы зияткерлік процесті модельдейді деп тұжырымдауға болады.
Проблемалық-іс-әрекеттік оқытудың мәнін зерделеу білім алушылардың білімді, дағдыларды,
іскерлікті табысты меңгеруіне және шығармашылық ойлауды қалыптастыруға ықпал ететін сәттерді
бөліп көрсетуге мүмкіндік береді. Әсіресе, адамның танымдық қиындықтармен, проблемамен
қақтығысы кезінде объективті түрде пайда болатын тұлғаның белсенділігін (зияткерлік, ерік және
эмоциялық) дамытудағы проблемалық оқытудың рөлі маңызды