Бұл мақалада қазіргі студенттердің оқу іс-әрекетін өздігінен ұйымдастыру дағдыларын
қалыптастыру мәселесі қарастырылады. Сонымен қатар жоғары мектептің теориясы мен
практикасында осы мәселені шешудің өзектілігін анықтайтын бірқатар қарама-қайшылықтар
туындағаны көрсетіледі. Студенттердің оқу іс-әрекетінің өздігінен ұйымдастырылуы мақсаттылық,
белсенділік, өз қызметін жоспарлау, дербестік, шешім қабылдау жылдамдығы және олар үшін
жауапкершілік, өз іс-әрекетінің нәтижелерін бағалау арқылы байқалатындығы жөнінде баяндалады.
Автор көптеген отандық және шетелдік ғалымдардың пікірлеріне сүйене отырып, оқу іс-әрекетінің
өзіндік ұйымдастырылуын тек қана оқу емес, жеке және қоғамдық маңызы бар өзіндік жұмыс ретінде
анықтайды. Аталған мәселе бойынша жоғары оқу орнының 1, 2, 3-курс студенттері арасында
жүргізген зерттеу тәжірибелерінің нәтижелерін келтіреді.Сонымен қатар студенттердің оқу іс-
әрекетін өздігінен ұйымдастыру дағдыларының жиынтығын атап көрсетеді.