Мақалада жоғары сынып оқушыларының жеке тұлғалық қасиеттері мен танымдық процестері және болашақ мамандығын анықтауы туралы жазылған. Оқушылардың қабілеттері мен білім деңгейлерін ескере отырып, педагогикалық-психологиялық әдістер мен әдістемелерді қолдану арқылы кәсіби бағдар беру жұмысы жүргізіледі.

Кәсіби бағдар дегеніміздің өзі – бұл мамандық таңдаудағы жеке икемділіктерінің, қызығушылығының, кәсіптік ынтасына және қоғамның әр түрлі деңгейдегі біліктілігі және әр түрлі мамандық кадрларына сұранысымен жасөспірімдерді дайындаудағы бағытталған іс-әрекет. Кәсіптік бағдардың қоғамдық мәселесі оқушылардың еңбектік және кәсіптік дайындығына жауаптылардың іс-әрекеттері басты роль атқарады. Соның негізінде теориялық даму деңгейі, кәсіби бағдар беру принциптері мен әдіснамалық мәселелер де қалыптасады. Осы арқылы жасөспірімдердің мамандық таңдауда көздері ашық болып, өздерінің болашақ өміріне не қажет екендіктерін біршама ұғынып, өз қалауымен әрі саналы түрде таңдау жасай алуына дұрыс мүмкіндіктер береді. Зерттеу әдісі ретінде on-line автоматтандырылған жүйе арқылы диагностикалық тестілеу жұмыстары, диагностикалау нәтижесі бойынша психологиялық кеңес беру жұмыстары, «Тұлғалық өсу» психологиялық тренингтік жұмыстарының ұйымдастырылуы қарастырылған.