Мақалада мүмкіндігі шектеулі бала тәрбиелеп отырған отбасын психологиялық-педагогикалық түзету жұмыстарына дайындау қажеттілігі айтылған. Ерте жастағы мүмкіндігі шектеулі балаларды психологиялық-педагогикалық түзете-дамыту арқылы қолдауға ата-аналарды даярлаудың тұлғалық-бағдарлық жүйесінің моделі ұсынылған.

Модель ата-аналардың әлеуметтік жағдайы мен психологиялық жағдайын, қызығушылығы  сияқты жеке ерекшеліктерін ескере отырып жасалған. Мүмкіндігі шектеулі баланы қолдауға ата-аналарды даярлау жүйесі моделінің негізіне олардың  тұрақты дайындығы мен іскерлік қабілеттілігін дамыту бағытының жоғары деңгейін қамтамасыз етуге арналған  құрылымдық-мазмұндық компоненттер берілді.

Мақаладағы ата-аналарды даярлауға арналған  жүйе  мүмкіндігі шектеулі ерте жастағы балаларды психологиялық-педагогикалық түзету арқылы қолдаудың сапасын арттыруға мүмкіндік береді деп болжануда.

Түйін сөздер: мүмкіндігі шектеулі балалар, модельдеу, отбасымен өзара әрекеттесу, жеке тұлғаға бағытталған тәсіл, түзету, психологиялық-педагогикалық қолдау.