Мақала психология ғылымы бойынша негізгі және қолданбалы жұмыстардағы мазасыздықты зерттеуге арналған. Мазасыздықтың таралуы, этиологиялық факторлары, осы  айтылып отырған эмоционалды күй туралы тарихи және қазіргі заманғы идеялар қарастырылған. Сонымен қатар мазасыздықтың алуан түрлерінің негізгі белгілері мен ерекшеліктері, сондай-ақ адамның жыныстық және жас ерекшеліктері мен жеке сипаттамаларының оның көріністеріне әсері атап өтілген. Мазасыздықты зерттеуде кәсіби спорттық іс-әрекеттің өнімділігі мен нәтижелілігімен, қарым-қатынаспен, адамның психофизиологиялық жағдайымен бірге өзара байланысы көрсетілген. Қазіргі уақытта мазасыздық теріс эмоционалды құбылыс ретінде ғана емес, сонымен қатар психиканың оңтайлы деңгейде қалыпты жұмыс істеуінің қажетті шарты ретінде қарастырылады. Ерекше жағдайлармен (спортшылар, құқық қорғау органдарының қызметкерлері, әскери қызметшілер) байланысты қызмет түрлеріндегі мазасыз уайымдардың ерекшеліктері ашылады.