Мақалада әлеуметтік бейімделу үдерісінде студенттердің құндылықтық бағдарларын қалыптастыруға конформизмнің психологиялық ықпалы қарастырылады. Конформизм құндылықтық контагиоздылықтың механизмі ретінде түпнұсқалық интерпретацияда ұсынылады, оның аясында нормалар мен ұстанымдар студенттік ортада мәдени вирустар тәрізді таралады. Ритуалдар, қайталау және топтық қысым арқылы жеке тұлғаның мағыналары трансформацияға ұшырайды, көбіне адамның саналы таңдауынсыз жүзеге асады. Әзірленген V-ConScale шкаласы негізінде студенттің құндылықтық жұқтыруға бейімділігін және оның рефлексивтік тұрақтылық деңгейін сандық диагностикалау моделі ұсынылады. Жұмыс философиялық-психологиялық талдауды қолданбалы педагогикалық бағытпен ұштастырып, студенттердің жоғары оқу орны ортасындағы мағыналық бейімделу үдерістерін мониторингтеу, профилактика жасау және сүйемелдеу құралдарын ұсынады. Бұл тұжырымдама шынайы, сыни тұрғыда ойлайтын субъектіні қалыптастыруға бағытталған білім беру стратегияларын жобалауда пайдалы болуы мүмкін.