Аталмыш мақалада жеке тұлғаның иррационалды сенімдері бөлігіндегі прокрастинацияның теориялық негіздері, сондай-ақ прокрастинацияның когнитивті предикторы ретінде иррационалды сенімдерді зерттеу әдістерін қамтитын эмпирикалық зерттеу деректерінің нәтижелері қамтылған. Бұл зерттеудің мақсаты мәдени ерекшеліктерін ескере отырып, қазақ тіліне арнайы іріктелген және бейімделген әдістемелерді пайдалану арқылы қазақстандық іріктемедегі прокрастинация себептерін зерделеу болды. Бұл зерттеу прокрастинацияның когнитивті, жүріс-тұрыс және эмоциялық компоненттері арасындағы құрылымдық байланыстарды және осы компоненттердің комбинациясы кейінге қалдыруды қаншалықты түсіндіретінін анықтады. Прокрастинацияға байланысты себеп-салдарлық факторларды зерттеген алдыңғы зерттеулердің көпшілігі шектеулі өлшемдерге немесе прокрастинация айнымалыларына бағытталған. Осылайша, бұл зерттеу когнитивті, жүріс-тұрыс және эмоциялық компоненттердің толық жиынтығын зерттей отырып, алдыңғы зерттеулерді кеңейтеді деп күтілуде, мұнда прокрастинацияның когнитивті предикторы ретінде жеке тұлғаның иррационалды сенімдеріне ерекше рөл беріледі. Зерттеу барысында прокрастинация мен иррационалды сенімдерді түсінудің заманауи тұжырымдамалық тәсілдеріне талдау жасалды, оның негізінде жатқан когнитивті құбылыстардың мазмұнын ашып, әр түрлі деңгейдегі иррационалды сенімдері бар тұлғаларда прокрастинацияның деңгейі анықталды.