Мақала адамдардағы құмар ойындарға тәуелділіктің психологиялық себептерін зерттеуге арналған. Лудоманияны әртүрлі девиантты мінез-құлық аясында қарастыра отырып, мәселенің өзектілігі және жаһандану жағдайында жас ерекшелік топтары бойынша халық арасында ойынға тәуелділіктің таралу ерекшеліктері ашылды. Құмар ойынына тәуелді адамның профилактикасы мен оңалту әдістерін анықтау үшін типтік ойынға тәуелді адамның әлеуметтік-психологиялық ерекшеліктері, жеке тұлғаның құндылық бағдарлар жүйесі, адамда ойынға тәуелділіктің қалыптасуына ықпал ететін себептер мен факторлардың жиынтығы зерттеледі. Зерттеудің мақсаты – құмар ойынға тәуелді адамның әлеуметтік-психологиялық ерекшеліктерін анықтау үшін людоманияның әлеуметтік құбылыс және девиантты мінез-құлық формасы ретінде даму заңдылықтарын зерттеу. Девиантты мінез-құлық нысаны ретінде құмар ойындарға тәуелділік интеграцияланған тәсіл арқылы зерттелді. Эмпирикалық зерттеу әдістерін қолдану құмар ойындарға тәуелділіктің динамикасы мен себептерін терең түсінуге ықпал етті. Мәселені зерттеу үшін ойынға тәуелділіктің тұтастығы мен ерекшелігін, сондай-ақ қазіргі қоғамның әлеуметтік-психологиялық құбылысы ретінде құмар ойындарға тәуелділіктің себептерін анықтауға және ашуға мүмкіндік беретін жүйелік тәсілдің әдістері қолданылды. Құмар ойындарға тәуелділікке бейім халықтың жас топтарын анықтауға арналған зерттеудің эмпирикалық негізі мониторинг есептері мен мақсатты зерттеулерден алынған статистикалық деректер болды. Зерттеудің маңыздылығы құмар ойындарға тәуелділікті әлеуметтік-психологиялық феномен ретінде зерттеудің негізгі теориялық және эмпирикалық тәсілдерін талдау нәтижелері девиантты мінез-құлық түрі ретінде адамдарда құмар ойындарға тәуелділіктің таралу себептері мен ерекшеліктерін анықтауға және қоғамда ойынқұмарлықты азайту шараларын әзірлеуге ықпал ететіндігінде.