Мақалада бөліну құбылысына теориялық талдау жасалып, құрылымы, түрлері мен стильдері
ашылып, жастардың ата-аналық отбасынан бөліну процесі сипатталған. Жастар, атап айтқанда
студенттер жаңа білім стандарттарына, еңбек нарығының талаптарына және жалпы өмір ырғағына
бейімделуі керек. Бүгінгі таңдағы басты сипаттың бірі - тәуелсіздік. Бұл сондай ақ адамның бойында
өз- өзіне сенімділікті, шешімдері үшін жауапкершілікті қалыптастыру үшін ата- аналық отбасынан
бөлінуді қажет етеді. Тұлғаны бөлу процесі, алайда, көптеген факторлардың әсерінен әрдайым оңай
және ауыртпалықсыз өте бермейді. Бұл құбылыс және оның ерекшеліктері шетелдік, көбінесе
батыстық және ресейлік зерттеулерде жақсы қамтылған. Студент жастарды бөлу тақырыбын әр
түрлі диссертациялар мен ғылыми мақалалар аясында ресейлік психологтар қозғады. Отандық
ғылымда, өкінішке орай, мәселе іс жүзінде қаралмады. Осыған сүйене отырып, біз жасөспірімдерді
психологиялық тұрғыдан бөлу мәселесі бойынша әр түрлі дереккөздерге талдау жүргіздік, бұл осы
тақырып бойынша өз зерттеулерімізді құруға мүмкіндік берді. Арнайы әдебиеттер, теориялық
талдаулардың нәтижелері бойынша ата-ана отбасы осы күнге дейін өзінің маңыздылығын сақтап
отырғанын көрсетті. Атап айтқанда, эмоционалды жақындық, отбасы ішіндегі сенімді қарымқатынас және ата-аналардың балалардың өсіп келе жатқанын қабылдауы жастардың автономияға
ауыртпалықсыз көшуіне әсер етеді. Мақаланың эмпирикалық бөлімінде 2020 жылдың қараша айында өткізілген қазақстандық жоғары оқу орындарының 256 студенттерінің арасында жүргізілген
біздің сауалнамамыздың деректері келтірілген. Нәтижелер қазақстандық студенттердің арасында
ата-анасының отбасымен табысты қарым-қатынастың жоғары пайызын көрсетті: көп жағдайда
психологиялық қашықтық ыңғайлы, респонденттердің жеке шекаралары мен пікірлері
құрметтеледі.