Мақалада ақпараттық кеңістіктегі тұлғаның өзара іс-қимылын жандандыру проблемасын талдау ұсынылған. Жалпыға бірдей экономикалық дағдарыс аясында қоғамның ақпараттық кеңістіктегі мінез-құлқының жаһандық өзгерістері орын алып отыр, бұл жеке тұлғаның ақпараттық-психологиялық қауіпсіздігі проблемасын ушықтырып, өзектендіреді. Дәл осы карантиндік шаралар мен қашықтықтан оқыту кезеңінде ақпараттық орта білім беру, еңбек, демалыс қызметін, тұлғааралық қарым-қатынас пен әлеуметтік өзара іс-қимылды іске асырудың негізгі алаңына айналды. Бұл бір жағынан жеке адамның базалық қажеттіліктерін қанағаттандыруға ықпал етеді, бірақ бұл ретте адамның психикасының мүмкіндіктерінен асып кету, ақпараттық стресске, қорқыныштардың дамуына, сенімсіздік пен белгісіздікке, бейімделу қиындықтарына байланысты оның психологиялық жай-күйінің нашарлау қаупі артады.

Қоғам дамуының қазіргі кезеңінде прогрессивті де, жойқын да салдарға әкелетін тағы бір ақпараттық революция орын алады. Ақпараттық әсердің күшеюі қауіптер мен теріс әсерлердің алдын алу немесе оларға тойтарыс беру жөніндегі қорғау шараларын жеткіліксіз әзірлеу кезінде тұтас алғанда бүкіл қоғамның, атап айтқанда, жас ұрпақтың ақпараттық-психологиялық қауіпсіздігі проблемасын өзектендіреді.